يعلم الله ماملا عيني سواه

يعلم الله ماملا عيني سواه
ومادخل قلبي ابد غيره خشير

دوم قلبي تايه يمشي وراه
رايق يشكي كما طير يطير

ودي واتمنى إذا اجلس معاه
لو دنت فرقاه وصل يومي الأخير

المس ايدنه واجالسه واباه
مقرب مني انا قلبي خطير

ماشترك في خاطري احد معاه
هذى خلي زهر وورود وعبير

مظني(ن) قلبي وعمري واشقاه
روح روحي ياقمر مضوي منير

يكتفي نبضي إذا تمتمت آه
ميته من يوم فارقه النظير

يعلم الله ماسكني من كفاه
غالي عندي وخالقني بصير

ليت قلبه يعرف بكثرة غلاه
ماظلم قلبي ابد لامايصير

ظالم خلي على كثرت جفاه
متهم قلبي يحب غيره كثير

ما يخون القلب عهد(ن) قد عطاه
ماسلك قلبي وربي بي خبير

مانساه القلب والله مانساه
ظالم بالحب وخلاقي كبير

كيف آنسى اللي سكنته بحشاه
نبض وعروق(ن) تنادي بالآثير